BARKU MARÁ NO TA GANA FLETE

PRESS RELEASE #02

April 06, 2018

Esta’un honor pa risibí un yamada di Ofisina di Promé Minister Rhuggenaath pa wordu invitá pa ta presente na Konseho di Minister den Fòrti anto pa ofishalmente risibí di Ministernan di su Kabinete e Standing Ordernan di Ride For The Roses. 

 

Ku esaki Stichting Ride For The Roses Curaçao a haña otro ekspreshon di sostén signifikante na e ‘STANDING ORDER 1000 Awareness Tour & Movement’. Meta prinsipal di esaki ta pa konsientisá un I tur ku un sostén finansiero mensualmente, pues diesdos biaha pa aña tur aña, mediante un Standing Order, ta krea posibilidatnan grandi pa Prinses Wilhelmina Fonds por yuda pashèntnan ku ta sufri di kánser.

 

E Standing Order di Ride For The Roses Curaçao tabata tei kaba, pero no bon konosí ainda. Pues hendenan no tabata konsiente ku por a sosténé finansieramente mediante un Standing Order. ‘E tabata manera un barku mará na waf ainda sin produsí algu. Anto barku mará no ta gana fléte, pues nos a los e barku’ Asina Sr. Curd Evertsz a bisa.

 

Curd ta kanando mil kilometer pa konsientisá den nos komunidat tokante Standing Order anto den su kanamentu ta enfatisá ‘kontinuïdat’ den tur kos. Den kanamentu I moveshon en general, kontinuïdat den kuido ora di malesa, kontinuïdat den bringa e bataya kontra kánser anto naturalmente kontinuïdat den garantisá fluho kontínuo di sèn pa yuda Prinses Wilhelmina Fonds.

 

Por tuma kontakto ku Stichting Ride For The Roses Curaçao tokabte e Standing Order via di email: [email protected]t anto por bishitá Facebookpage di Ride For The Roses Curaçao, pa sigui e ‘developing story’. Tambe por yama Sra. Helena Seferina na 522.9762 òf Sr. Frans Heilgers na 560.0090, Email: [email protected]

 

SIGUI NOS & YENA BO STANDING ORDER!