Rekoudashon di fondo di Borgoña
pa 15 aña di Ride for the Roses
Biñanan Franses, tapas Franses, músika di jazz Franses bibu, den e arena di Villa Maria bunita iluminá pa krea ambiente. Pa kulminá e anochi lo tin un findishi spektakular den man di e tim di Lauw & Marro, kaminda lo brinda obranan spesial di arte.
Dia 19 di sèptèmber awor tin na Villa Maria un evento úniko pa rekoudá fondo den kuadro di 15 aña Ride for the Roses. E logra rekoudá e anochi lo bai pa informashon i kuido èkstra pa e grupo kresiente di pashènt di kanser na Kòrsou ku Fondo Prinsesa Wilhelmina ta tuma bou di su alanan.
Masha spesial ta e donashonnan di obranan di arte. Di diferente banda a aserká e organisashon i a hasi donashon di diferente obra. E duo pa e findishi Lauw Jacobs i Marro Pietersz lo desviá poko tambe durante e anochi kaminda nan ta pone collector’s items firmá na findishi. E músika bibu lo konosé tambe un wéspet spesial ku sigur lo duna e anochi Franses un toke èkstra.
E último karchinan all inclusive na rason di ANG 150,- p.p. ta optenibel na e puntonan konosí di benta, na Servir Frais (kaminda e luna aki ta bende tambe kahanan di biña Wine for the Roses!), Winebar JOY i serka miembronan di direktiva di Ride for the Roses. Online interesadonan por akudí na www.bit.ly/ArtWineJazz.
Tin posibilidat pa reservá mesa pa minimalmente 8 persona. Pa mas informahon yama 511 6968.
Info: Fransien van Haaren 660-5505 / 511 6968
